مبارك ومبرك والف من التهاني

السلام عليكم ورحمة الله وبركاته


اولا : مبارك عليكم الشهر وان شاء الله انكم من المعتوقين من النار


ثانيا : ياراشد بن عبد الله لك سنه ياطويل العمر وانت تقول ارجعو للمنتدى وان جينا مالقينا احد


وبعدين تعال ياخوي قاضبنا قصيد وقصيد واللي يشوفك يقول طالع منها يابو ابي ديوان لك تكتبه هنا


وحياكم الله في عودة المنتدى وتماسك اطراف قبيلة بني شخبط وعسى الله يديم الافراح علينا ولا يفرقنا

علينا و عليك يا رب

طيب انت اكتب حمس الربع و ابشر انا وراك

و للباقين مو شرط تحط معلقه ولا الفيه بيتين لصقهم مع بعض و انتهينا

و عسى الله يجيب الربع

اقول ابو عبود الظاهر والله محد معطينا وجه

ههههههههههه اما تظحك هالسحبه

مافي احد غيري يحبك الظاهر ههههههههههه

استلم بس استلم

يابو عبد الله توفت منيتي *** استراح القلب من هم(ن) عتيق

وانطلق شيهان جابر علتي **** لين سوالي من الفرحه طريق

بما ان مخي ماهو صافي اللحين خذ من اللي كتبت و بكره ولا عقبه ارد عليك

شاقني دله و فنجال و بهار ... شاقني سوَق القصايد جزيلــــه
شاقني ساخن حليات الاثمار ... شاقني رجال للمراجل حصيله
شاقني البر و شاقتني النار ... اللي سناها من بعيد(ن) تخيلـه

خذ هذي يا ابو سلمان دامك تحب الغزل بعطيك من القصيده و الباقي اعلمك اياه لا تواجهنا
قريب انشاء الله

من حسنها القمر مالقى مقدريــــه ... و حارت نجوم السما و المجــــرات
و من حسنها حتى الزهور النديه ... تذبل اليا عدت عليهن بخطـــــــــوات
في عينها اليمنى سهام قويـــــــــه ... و في عينها اليسرى علاج المعانات
من الغلا حـــتى عيوني هديـــــــه ... و من الـــــــمحبه بنى قلبي عمارات
وا ويل حالي يا الحياة الشقــــــيه ... و العين دمعها ابــــــــــلغ عبــــارات
ليته معي في شارع الشنزلــــــيه ... في ديرة ظني شمال القريــــــــــــات

و القصيده لها تكمله و لكن بالعدد القادم انشاء الله