صب القهر ياوقت

السلام عليكم ورحمة الله وبركاته


صبحكم بالخير /مسيكم بالخير كلن على حسب جوه الوكاد هاذي قصيده وانشاء الله تعجبكم وتحوز على رضاكم




صب القهر ياوقت في جوف الأسياد === واسكب ملا مح كل حزن ونكاده

يامواعد العذرى على غير ميعاد === تبطي جريح ولا تعرف السعاده

عزي لرجل مع هل السوء ينقاد === وعزي لرجل دوم يتبع مراده

احدن همومه يقطع الدرب لبلاد ==== واحدن يدور للكرم والر ياده

هذا بدوي يمشي على درب الأجواد=== يعيش وافراح الحياة بزياده

لاضاق وقت عصير والهم به زاد ==== نهج على رجم طويل مداده

وابعد عن الدنيا وهمه ولاحقاد ==== وقابل معاميله وبنة قنا ده

جمر الغضى يحيي عروقه وينعاد === مجرى وريده ويتصفى عناده

تركد هواجيسه ويهناله الزاد ==== ويسلى مع ليل ينسنس برااده

وينثر قصيد الحب في غض الانهاد ==== ويكتب بيوت مايبيله اعاده

يسري مع ليل على القلب وراد === ويمسي وليل العشق قفا سواده

هذي بيوت قلتها دون تعداد ==== وترى المشورة من هل الشعر عادة



وسلامتكم

صح لسانك ما قلتلك ما فيك حيله

عشت يابن تني ماقصرت انا اشهد انك شاااعر

اخيراً في بشر حي هنا وينكم يا الربع

كفو يا ما يهزني ريح و الله كفو

بس كثر من طلاتك

رد بدال صاحب الموضوع لان صاحب الموضوع انفضخت بصدره قصيده من القهر
و مدري وش صار بوه